"Барселона" футболь клуби кўплаб йиллар давомида Руни Барджини кузатиб келган ва ниҳоят уни ўз сафига қўшишга муваффақ бўлди. Бу ҳақда Euro-football.ru хабар берди.
19 ёшли футболчи жорий йилнинг июл ойида "кўк-анорранглилар" таркибига қўшилди. Спорт нашрининг маълумотига кўра, каталонияликлар ёш ва истиқболли швед футболчисини олти йил давомида — яъни у 13 ёшдан бошлаб — диққат билан кузатиб келган.
Клуб раҳбарияти ҳатто уни яқинда олган оғир жароҳатидан тикланиш жараёнига ҳам қизиқиш билдирган. Эслатиб ўтамиз, Руни Барджи Каталонияга келишидан аввал Даниянинг "Копенгаген" жамоаси сафида ўйнаган.
Ёш футболчининг трансфери "Барселона"га атиги 2,5 миллион еврога тушди. Буннинг сабаби шундаки, Барджининг "Копенгаген" билан тузган шартномаси жорий йил охирида якунланиши керак эди.
Натийжада, "Барселона" ёш ва иқтидорли футболчини нисбатан арзон нархда ўз таркибига қўшишга эришди. Клуб мутасаддилари Барджидан катта умид қилмоқда ва уни келажакда асосий таркиб футболчиларидан бири сифатида кўрмоқда.
