Мюнхеннинг машҳур клуби “Бавария”да ёзда катта ўзгаришлар содир бўлиши мумкин. Бу сафард диqqat марказида клубнинг етакчи ҳужумчиларидан бири — Лерой Сане турибди. 29 ёшли футболчининг “Бавария” билан амалдаг шартномаси 2024 йил 30 июнда ўз ниҳоясига етади ва у ҳозир келажагини аниқлаш устида жиддий фикр юритмоқда.
Олдинги агентдан воз кечиб, машҳур агент Пини Захави хизматларидан фойдаланишга қарор қилган Сане бу билан музокараларга янги босқичда ёндашмоқда. Унинг асосий мақсади — янги шартномада маошни анча юқори даражага кўтариш. Айнина шу жиҳат клуб билан келишув жараёнида асосий тўсиқка айланмоқда.
Германиянинг Sport1 нашри тарқатган маълумотларга кўра, “Бавария” спорт директори Макс Эберл футболчига аввалдан таклиф қилинган шартларга рози бўлишни тавсия қилган. Унга кўра, агар Сане тез орада битимни имзоламаса, клуб раҳбарияти унинг кетишига тайёр бўлади ва ёзги трансфер ойнасида футболчи учун янги жамоа излашга тўғри келади.
Шу билан бирга, агент Пини Захави ҳозирда “Бавария” билан фаол музокаралар олиб бориб, мижозига энг қулай шартларни таъминлаш учун ҳаракат қилмоқда. Аммо манбалар таъкидламоқдаки, музокаралар ҳозирча илиқ руҳда кечмаяпти ва келишув хавф остида.
Лерой Сане “Бавария” таркибида 2020 йилдан буён тўп суриб келмоқда ва ўтган мавсумларда жамоа ҳужумида муҳим рол ўйнаган. Унинг тезлиги, техник маҳорати ва голли узатмалари билан тўлдирилган ўйинлари жамоа мухлисларининг эътиборини қозонган. Бироқ маош масаласидаги келишмовчилик ҳозирда унинг Мюнхендги келажагини ноаниқ ҳолга келтирмоқда.
Қизиқарлиси, агар Сане ва “Бавария” ўзаро келишувга етиша олмаса, у Европаининг бир қатор грант клублари учун эркин агент мақомида жозибадор номзодга айланади. Шу боис, бу масала фақат Германияда эмас, балки Англия ва Испания клублари учун ҳам қизиқ.
Хулоса қилиб айтганда, Сане масаласи “Бавария”нинг ёзги трансфер режаларида ҳал қилувчи нуқталардан бирига айланмоқда. У жамоада қоладими ёки бошқа чемпионатга йўл оладими — бу саволга яқин ҳафталарда жавоб топилади.
