Каталониянинг машҳур клуби — “Барселона” спорт директори Деку яқинда оммавий ахборот воситаларига берган интервьюсида жамоа марказида турган ёш юлдуз Ламин Ямалнинг келажаги ҳақида ўз фикрларини баён қилди. Декунунг таъкидлашича, 17 ёшли супериқтидор соҳиб бўлган Ямал билан шартномани узайтириш бўйича музокаралар “тўғри йўналишда” кетмоқда.
Ямалнинг ўзига хослиги ва келажакдаги ўрни
“Ламин — ўзига хос ўйин услубига эга футболчи. У жуда эрта порлади ва бошқаларда учрамайдиган кучли ишончга эга. Қаранг, менинг ўғлим унинг ёшида, аммо Ямалдаги тафаккур, ёндашув ва масъулият алоҳида эътирофга лойиқ,” — деди Деку. Унинг фикрича, футболчининг ёши қанчалик кичик бўлмасин, у ҳақли равишда муносиб шартномага эга бўлиши керак.
“Биз доим уни бахтли ҳолда кўришни истаймиз. Маош миқдори — бирламчи эмас. У ўзини қадрланган ва ҳурмат қилинган футболчи деб ҳис қилса, шуннинг ўзи унинг келажаги учун етарли мотивация бўлади,” — дея қўшимча қилди Деку.
Шартнома бўйича режалар ва таклифлар
Спорт директори журналчилар саволларига жавоб берган ҳолда, Ямалнинг келгуси шартномаси камида 5-6 йил муддатга мўлжалланишини маълум қилди. “У жамоанинг келажаги. Биз узоқ муддатли лойиҳа устида ишлаяпмиз ва бу ишда Ямал марказий фигуралардан бири бўлади,” — дейди Деку.
Унинг сўзларига кўра, ўтган мавсумда Ямалга қатор клублар томонидан қизиқиш бўлган. Улар орасида энг жиддий таклиф Парижнинг ПСЖ жамоасидан келган. “Бизга унга қизиқиш борлигини айтдилар, аммо бу масалада ҳеч қандай жиддий музокара бўлмаган. Реал Мадрид эса унга қизиқиш билдирмаган,” — деб таъкидлади у.
Фикр: Ямал учун “Барселона” – энг тўғри манзил
Декунунг таъкидлашича, Ямал учун ҳозирги шароитда “Барселона”дан яхшироқ муҳит йўқ. “Бу ерда у фақатгина профессионал ўсиш эмас, балки шахс сифатида шаклланиш учун ҳам энг қулай имкониятларга эга,” — дейди мутахассис.
Замин.уз таҳририятидан: Ламин Ямал каби ёш иқтидор эгалари учун клубнинг ишончи, фанатларнинг муҳаббати ва клуб ичидаги соғлом муҳит жуда катта аҳамиятга эга. Шундай экан, Декунунг ёндашуви “Барса”нинг яқин келажакдаги муваффақияти учун асосий омиллардан бири бўлиб хизмат қилиши мумкин.
Сиз Ямални қайси жамоада кўришни истайсиз? “Барселона”да афсонага айланишини ёки Европаидаги бошқа грант клубларидан бирида юлдуз сифатида порлашини?
