“Что сказали футболисты «Бухары» о матче против «Динамо»?

Суперлигадан 10-тур доирасидаги “Бухоро” – “Динамо” (2:2) учрашувидан кейин мезбонлар вакиллари – Шахбоз Жўрабеков, Отабек Боймуродов ва Жавоҳир Рўзиев ўз таассуротлари билан ўртоқлашди.

Шахбоз Жўрабеков:

"Биз имкониятдан келиб чиқиб ғалаба қозонишга ҳаракат қилдик. Биласиз, кетма-кет мағлубиятлардан сўнг анча тушкунликка тушиб қолгандик. Рухий тушкунликдан чиқиш учун ўзингизга фақат ўзингиз ёрдам бера оласиз. Агар ўзингиз ҳам ёрдам бера олмасангиз, унда вазият янада мураккаблашади.

Бугун бир оила бўлиб, фақат ва фақат ғалаба учун майдонга тушамиз деб ният қилгандик. Насиб қилгани шу экан. Яхши ўйин бўлди. Диqqatни бир зум йўқотиш ва жисмоний тўлиқиш бироз халокат қилди. Шу сабабли охирги дақиқаларда гол ўтказиб юбордик.

Гол урган вазиятда қулай ҳолат юзага келишини кутмагандим. Топ оёғимга яхши мослашди. Лекин ким гол уриши муҳим эмас. Дарвозабонми, захирадан майдонга тушган ўйинчими ёки бошқа, ким гол уришидан қатъий назар, биз ғалаба қозонсак бўлгани.

Танаффусда кийиниш хоналарига кириб кетяпмизда атроф тинч эди, майдонга қайтсак, ҳамма ёқ чанғ-бўрон экан. Об-ҳаво инжиқликлари бўлиши нормал ҳолат, муҳими, ютиб кетмадик.

Клуб мухлисларига ҳам миннатдорчилик билдирмоқчиман. Нега? Чунки уларгина кетма-кет мағлубиятларимизга қарамасдан, бизни ҳар қадамда қўллаб-қувватлашмоқда. Биз уларнинг юзини ёруғ қилиб, ғалаба билан хурсанд қилишга ҳаракат қиламиз".

Отабек Боймуродов:

"Умуман олганда, биз шундай чуқурга тушиб қолдикки, кетма-кет шунча ўйинларда ғалаба қозона олмадик. Шу боис бугун ижобий натижа қайд этиш руҳий жиҳатдан жуда муҳим эди. Ғалаба учун курашган бўлсак-да, ҳеч бўлмаганда бир очко қўлга киритдик. Кейинги ўйинларда янада яхшироқ натижа кўрсатамиз, деган умиддаман.

Жамоанинг аввалги ўйинлардаги муваффақиятсиз натижалари тўғрисида сизга ҳеч нарса дейишим мумкин эмас. Бу менинг жамоам, у ҳақида ёмон гап айта олмайман. Барчамиз қўлимиздан келганча ҳаракат қилапмиз, куч-ғайратимизни аямаяпмиз. Омадимиз келмаяпти, дейиш мумкин. Агар эътибор берган бўлсангиз, “Пахтакор”ни ҳисобга олмаган ҳолда, деярли барча ўйинларда фақат битта топ фарқ евазига мағлуб бўлдик.

Шунинг учун омадсизлик бўлди, иншааллоҳ, энди омадимиз юришиб кетади деган умиддаман. Ўз устимизда ишлаймиз, ҳаракат қиламиз ва натижаларни яхшилаймиз.

Мен юқори даражага чиқиш учун бор кучим билан ҳаракат қилаяпман. 100 фоиз эмас, 120-150 фоиз куч билан ишламоқдаман. Маqsадим, албатта, миллий терма жамоа таркибидан ўрин олиш. Бироқ буннинг учун кўп меҳнат қилиш керак. Ҳали олдинда жуда кўп ишлашим керак.

Шу ўрнида, “Бухоро” мухлисларига миннатдорчилик билдираман. Улар энг яхши мухлислардир".

Жавоҳир Рўзиев:

“Динамо”га қарши ёмон ўйин кўрсатмадик. Негаки ўйин сўнгида диqqatни йўқотиб қўйяпмиз. Бу ҳолат нафақат бугун, балки бошқа ўйинларда ҳам ўз таъсирини кўрсатди. Лекин, ишонинг, футболчилар майдонда бор кучини сарфламоқда. Муҳими, ёғитларда ишонч йўқолгани йўқ. Бу ҳолатдан чиқиб кетамиз деган умиддаман".