O‘zbekistonda 2025 yilda 212 ming avtomobil ishlab chiqarildi
2025 yil yanvar-iyul oylarida O‘zbekistonda turli markalardagi yengil avtomobillardan jami 212 156 dona ishlab chiqarildi. Bu haqida Upl.uz xabar berdi.
Bu haqda ma’lumotlar O‘zbekiston Respublikasi Davlat statistika qo‘mitasining rasmiy statistikasi asosida taqdim etilgan. Eng ko‘p ishlab chiqarilgan avtomobil Cobalt bo‘lib, uning soni 83 167 donani tashkil etdi.
Keyingi o‘rinlarda Damas (51 587 dona) va Tracker (26 385 dona) modellari turadi. Shuningdek, Onix (18 734 dona), KIA (14 419 dona) va BYD (8 601 dona) avtomobillari ham katta talabga ega bo‘ldi.
Xitoy markalariga mansub avtomobillar ham tobora ommalashmoqda. Hisobot davrida Chery avtomobillaridan 4 838 dona, Haval avtomobillaridan esa 4 425 dona ishlab chiqarildi.
Shuni alohida ta’kidlash kerakki, maxsus yengil avtomobillar ishlab chiqarilishi 28 951 donani tashkil etdi. Umuman olganda, avtomobil sanoatida ishlab chiqarish hajmi oshib bormoqda va turli markalarning bozordagi ulushi kengaymoqda.
Bu holat mamlakatimiz iqtisodiyotining rivojlanishiga ijobiy ta’sir ko‘rsatmoqda.
