Volkswagen 72,7 ming elektromobilni qaytarib olmoqda
Germaniyaning Volkswagen avtomobil konserni akkumulatorlarida aniqlangan ishlab chiqarish nuqsoni tufayli dunyo miqyosida 72,7 mingta elektromobilni qaytarib olmoqda. Bu haqda One.uz xabar beradi.
Nosozlik ayrim holatlarda akkumulator qizib ketishi va yong'in kelib chiqishiga olib kelishi mumkin. Bu haqda Bild nashri Germaniya Avtotransport federal idorasi (KBA) ma'lumotlariga tayanib xabar berdi.
Qaysi modellar ta'sirga uchradi Qaytarib olish 2022–2025 yillarda ishlab chiqarilgan Volkswagen ID.3, ID.4, ID.7 va ID. Buzz modellarini qamrab oladi.
Shuningdek 2022–2024 yillarda chiqarilgan Cupra Born elektromobillari ham ro'yxatga kiritilgan. Nuqson yuqori kuchlanishli akkumulator elementlarining ishlab chiqarish xatolariga bog'liq ekan.
Xavfsizlik chorasi va yechimlar Avtomobil egalariga akkumulatorni hozircha 80 foizdan ortiq quvvatlamaslik tavsiya etildi. Texnik imkoni bor avtomobillarda quvvatlash chegarasi avtomatik belgilanadi.
Egalarga qaytarib olish tartibi haqida xat yuboriladi. Servis markazlarida akkumulatorlar tekshiriladi.
Ba'zi hollarda nosoz qismlarni almashtirish o'rniga dasturiy ta'minotni yangilash yetarli bo'ladi. KBA ma'lumotlariga ko'ra ushbu nuqson tufayli tan jarohati yoki moddiy zarar haqida xabar yo'q.
