Nyu-Yorkda MRT apparatida halokat yuz berdi
Amerika Qo‘shma Shtatlarining Nyu-York shtatidagi tibbiyot muassasasida yuz bergan fojia ko‘pchilikni hayratda qoldirdi. Bu haqida Zamin.uz xabar berdi.
Vestberi shahrida joylashgan xususiy klinikalardan birida 61 yoshli erkak magnit-rezonans tomografiya (MRT) apparati tomonidan tortib olinib, og‘ir jarohatlar olib, hayotdan ko‘z yumdi. Bu haqda ABC telekanali xabar berdi.
Ma’lum bo‘lishicha, qurbon mazkur klinikaning bemori emas, balki bir tanishini kuzatib kelgan fuqaro bo‘lgan. U ruxsatsiz ravishda ko‘rik xonasiga kirib, bo‘ynida temir zanjir bilan bo‘lgan.
Ishlayotgan MRT apparati magnit maydon ta’sirida unga reaksiya qilib, uni yerga yiqitgan va og‘ir jarohatlar yetkazgan. Nassau okrugi politsiyasi ta’kidlashicha, MRT xonasiga metall buyumlar bilan kirish qat’iyan taqiqlangan.
Yuqori magnit maydoni kichik metall detal ham jiddiy xavf tug‘dirishi mumkin. WABC telekanali xabariga ko‘ra, klinika xodimlari zudlik bilan yordamga shoshilgan, ammo shifokorlar harakatiga qaramay, erkakni hayotga qaytarishning imkoni bo‘lmagan.
U shifoxonaga yetkazilishidan avval vafot etgani aniqlangan. Ushbu voqea AQSHdagi tibbiyot muassasalarida xavfsizlik protokollarining qanchalik muhim ekanini yana bir bor ko‘rsatdi.
Hozirda klinikada ichki xizmat tekshiruvi o‘tkazilmoqda. MRT xonasiga kirishdagi nazoratning zaifligi va xodimlarning e’tiborsizligi ham sinchkovlik bilan o‘rganilmoqda.
Tibbiyot mutaxassislari odamlarni ayniqsa magnit-rezonans tomografiya xizmatlari ko‘rsatilayotganda temir buyumlardan butunlay voz kechishga chaqirmoqda. Shu bilan birga, ushbu fojia ortidan AQSHda klinika va shifoxonalarda MRT xavfsizligini ta’minlash bo‘yicha yangi qoidalar joriy etilishi ehtimoli ko‘rilmoqda.
