Janubiy Koreyada kuchli suv toshqinlari 14 odam halok bo‘ldi
Janubiy Koreyada bir necha kun davom etgan doimiy yomg‘irlar natijasida yuzaga kelgan kuchli suv toshqinlari va yer ko‘chkilari kamida 14 kishining hayotiga zomin bo‘ldi. Bu haqida Zamin.uz xabar berdi.
Mamlakat favqulodda vaziyatlar boshqarmasi ushbu ma'lumotni rasmiy ravishda tasdiqladi. Shuningdek, 12 kishi bedarak yo‘qolgan hisoblanmoqda va ularni qidirish ishlari davom etmoqda.
Eng katta zarar janubiy va markaziy hududlarda qayd etildi. Yo‘llar, turar joy binolari, qishloq xo‘jaligi maydonlari hamda chorvachilik xo‘jaliklari jiddiy shikastlandi.
Sanchong viloyatida 6 kishi halok bo‘lib, 7 nafar fuqaro bedarak yo‘qoldi. Markaziy Chungcheong mintaqasida esa butun bir qishloq yer ostida qolgan.
Gapyeong shahrida tuproq ko‘chkisi bir necha uylarni yutib yubordi va ikki kishi halok bo‘ldi. Fuqarolar qalin loyda yurib, evakuatsiya markazlariga piyoda yetib borishga majbur bo‘ldi.
Mahalliy ommaviy axborot vositalarining xabar berishicha, toshqinlar boshidan buyon butun mamlakat bo‘ylab taxminan 10 ming kishi uyini tark etdi. 41 mingdan ortiq xonadon vaqtincha elektr energiyasiz qoldi.
Prezident Li Je Myong yakshanba kuni halokat yuz bergan hududlarni maxsus ofat zonasi deb e’lon qilishni buyurdi. Hukumat tiklash va yordam ko‘rsatish ishlarini tezkor boshladi.
Ichki ishlar vaziri Yun Ho-jung barcha mahalliy hokimiyatlardan mavjud barcha resurslarni safarbar etishni so‘radi. Ob-havo mutaxassislari yomg‘ir yakshanba kechqurun to‘xtashini, ammo undan keyin kuchli issiq havo to‘lqini boshlanishini taxmin qilmoqda.
Bu esa qutqaruv va tiklash ishlarini yanada murakkablashtirishi mumkin.
