Buyuk Britaniyada DNK natijasi soxtalashtirildi

Buyuk Britaniyada bir erkak laboratoriya xodimi bilan hamkorlik qilib, o‘z qizi ekanligini inkor etish maqsadida DNK tahlilini soxtalashtirdi. Bu haqida Zamin.uz xabar berdi.

U bu yo‘l bilan 125 ming dollar miqdoridagi aliment to‘lovidan qochishga harakat qildi. Bu haqda Pravilamag nashri xabar berdi.

Voqea 31 yoshli Chelsi Millerning farzandi tug‘ilgach, uning turmush o‘rtog‘i Sheldon tomonidan tashlab ketilishi bilan boshlandi. Bir necha kun o‘tib, Sheldon bolaning otasi ekanligini inkor qilib, DNK tahlilini talab qildi.

Chelsi Miller bunga rozi bo‘ldi, chunki u farzandining otasini aniq bilardi. Ammo tahlil natijalari kutilmaganda Sheldon bolaning biologik otasi emasligini ko‘rsatdi.

Bu natijaga shubha qilgan Chelsi Sheldonning onasidan DNK namunasi olib, tekshiruv o‘tkazdi. Natijalar qizaloq haqiqatan ham uning nabirasi ekanini isbotladi.

Qo‘shimcha surishtiruvlar natijasida ma’lum bo‘ldiki, Sheldon laboratoriya xodimiga pul to‘lab, DNK natijasini soxtalashtirishga buyurtma bergan. U xolasining tanishlari orqali xodim bilan bog‘lanib, DNK namunalarini o‘zgartirishga erishgan.

Sud jarayonida Sheldon va laboratoriya xodimi jinoyatlarini tan olib, firibgarlikda aybdor deb topildilar va bir necha oy qamoq jazosiga hukm qilindilar. Chelsi Miller esa DNK laboratoriyasi xodimlarining mas’uliyatsizligi va kasbiy etikasi pastligidan norozi ekanligini bildirdi.

Shunga o‘xshash holat AQShda ham qayd etilgan. U yerda 30 yil davomida faoliyat yuritgan sudmedekspert 654 ta DNK natijasini soxtalashtirib, davlatga 11 million dollar zarar yetkazgan.

Bu voqealar DNK tahlilining ishonchliligi va laboratoriya xodimlarining mas’uliyati muhimligini yana bir bor ko‘rsatdi.