Coldplay konsertida Kabotlar oilasi sirga fosh bo‘ldi

AQShda bo‘lib o‘tgan Coldplay konsertida yuzaga kelgan ijtimoiy tarmoqlardagi voqea katta e’tibor va moliyaviy sirlarning oshkor bo‘lishiga sabab bo‘ldi. Bu haqida Zamin.uz xabar berdi.

Konsert vaqtida “o‘pish kamerasi” deb ataluvchi ekranda tomoshabinlardan biri, Endi Bayron, yonidagi ayol bilan tasvirga tushdi. O‘pish uchun mo‘ljallangan kadrda Endi Bayron ayolni chetga surib, o‘zini yashirishga harakat qildi.

Ushbu vaziyat tomoshabinlar tomonidan videoga olinib, qisqa muddatda internetda keng tarqaldi. Keyinchalik ma’lum bo‘lishicha, Endi Bayron Astronomer kompaniyasining sobiq rahbari, yonidagi ayol esa uning ishdagi hamkori, Kristin Kabotdir.

Internet foydalanuvchilari Kristinning rasmiy turmush o‘rtog‘i Endryu Kabotni aniqlashdi. Endryu Kabot AQShdagi mashhur Privateer Rum kompaniyasining asoschisi bo‘lib, u milliarder sifatida tanilgan.

Kabotlar oilasining umumiy boyligi 15 milliard dollarga yetadi. Kabotlar AQShning eng qadimiy va nufuzli oilalaridan biri bo‘lib, Boston shahrining “elita tabaqasi” hisoblanadi.

Ular Nova Angliya mintaqasida asrlar davomida siyosiy, iqtisodiy va madaniy sohalarda katta ta’sirga ega bo‘lib kelgan. Amerikada mashhur maqol bor: “Bu eski yaxshi Boston — treska va lo‘biyoning yurti.

Louellar faqat Kabotlar bilan gaplashadi, Kabotlar esa faqat Xudo bilan”. Kabotlar oilasida ikki farzand borligi ham ma’lum qilindi.

Xabarlarga ko‘ra, Kristin va Endi Bayronning shaxsiy munosabati yashirin davom etgan. Ammo Coldplay konsertida kamera ularni fosh qildi.

Endi Bayron bu vaziyatdan qiynalib, o‘zini yashirishga harakat qilgan, biroq uning turmush o‘rtog‘i videoni ko‘rib, shaxsiy blogida familiyasidagi “Bayron” qismini o‘chirib tashlagan.