Xitoyda Buyuk devor toshlarini sotishga urinish fosh qilindi
Xitoyning Shansi viloyatida politsiya tarixiy yodgorlikni buzishga uringan juftlikni qo‘lga oldi. Bu haqida Zamin.uz xabar berdi.
Ular ming yillik tarixga ega Buyuk Xitoy devorining og‘ir toshlarini qirqib, onlayn bozorda sotishga harakat qilgan. Linfen shahri politsiyasi marketpleysdagi shubhali e’lonni aniqlab, bu jinoyatni fosh etdi.
E’londa "Buyuk Xitoy devorining haqiqiy g‘ishti sotiladi. Narxi 95 yuan" deb yozilgan edi.
Qonunchilar jinoyat iziga tushib, qonunni buzgan juftlikni — Van va Chjenni Beychjunxuan qishlog‘ida ushladi. Ular XIV–XVII asrlarda, Min sulolasi davrida qurilgan devorning qadimiy bo‘laklarini buzib, sotayotganlari aniqlangan.
Ma’lumotlarga ko‘ra, juftlik allaqachon yuzdan ziyod devor toshlarini turli xaridorlarga sotgan. Qiziqarli jihati, ba’zi mijozlar sotib olgan toshlardan mamnun bo‘lib, yana qo‘shimcha buyurtma berishni xohlashgan.
Shuningdek, olimlar Buyuk Xitoy devorining qurilishiga ko‘chmanchi xunnu xalqining hujumlari sabab bo‘lganini aniqlagan. Bu xalq armiyasida ayol jangchilar ham muhim rol o‘ynagan.
Ushbu holat Xitoydagi tarixiy yodgorliklarni muhofaza qilishdagi muammolarga e’tiborni yana bir bor qaratadi. Bu nafaqat Xitoy, balki butun dunyo uchun tarixiy meroslarni saqlash masalasi muhimligini ko‘rsatadi.
