Rossiya va Shimoliy Koreya aviaqatnovlarni tikladi
Rossiya 27-iyul, yakshanba kuni Shimoliy Koreya poytaxti Pxenyanga muntazam yo‘lovchi aviaqatnovlarini tikladi. Bu haqida Zamin.uz xabar berdi.
Bu ikki davlat o‘rtasida 1990-yillarning o‘rtalaridan beri birinchi bor amalga oshirilayotgan to‘g‘ridan-to‘g‘ri aviaqatnov hisoblanadi. Rossiya Transport vazirligining ma’lumotlariga ko‘ra, birinchi reys Moskva shahridagi Sheremetevo xalqaro aeroportidan 27-iyul kuni soat 19:00 da (Toshkent vaqti bilan 21:00 da) jo‘nab ketadi.
Parvoz sakkiz soat davom etadi va 440 yo‘lovchiga mo‘ljallangan samolyot bilan amalga oshiriladi. Aviachiptalar narxi 44 700 rubldan, ya’ni taxminan 563 AQSh dollaridan boshlanadi.
Birinchi reys chiptalari tezda sotib olindi. Shuningdek, 2025-yil iyun oyida Moskva bilan Pxenyan o‘rtasida 10 kunlik yo‘lovchi temiryo‘l qatnovi ham qayta tiklandi.
Bu ikki davlat o‘rtasidagi transport aloqalarining bosqichma-bosqich tiklanayotganidan dalolat beradi. Rasmiy Moskva va Pxenyan o‘zaro hamkorlikni mustahkamlashga intilmoqda.
Shu bilan birga, xalqaro hamjamiyatda Shimoliy Koreya tomonidan Rossiyaga qurol-yarog‘ va artilleriya yetkazib berilayotgani haqidagi da’volar mavjud, biroq ikki davlat bu ayblovlarni qat’iyan rad etmoqda. Transport va siyosiy aloqalarning rivojlanishi mintaqaviy barqarorlik uchun muhim ahamiyat kasb etadi.
