Tramp Putinga urushni to‘xtatish uchun 10 kun berdi
AQSh prezidenti Donald Tramp Rossiya prezidenti Vladimir Putinga urushni yakunlash uchun 10 kunlik aniq muhlat berdi. Bu haqida Zamin.uz xabar berdi.
Bu haqda Tramp Oq uy matbuot xizmati orqali ma’lum qildi. Prezidentning ta’kidlashicha, agar yaqin 10 kun ichida tinchlik kelishuvi imzolansa, urush to‘xtatiladi.
Aks holda, AQSh Rossiyaga nisbatan yangi bojlar va ikkilamchi sanksiyalarni joriy etishga majbur bo‘ladi. Trampning so‘zlariga ko‘ra, bu choralar Rossiya iqtisodiyotiga qanday ta’sir qilishi hozircha aniq emas, biroq Vashington keskin va qat’iy pozitsiyada turibdi.
Shuningdek, Tramp yangi sanksiyalar va iqtisodiy cheklovlar yaqin kunlarda boshlanishi mumkinligini bildirdi. U bu jarayon xomashyo bozorlariga qanday ta’sir ko‘rsatishi uni xavotirga solmasligini qo‘shimcha qildi.
AQSh prezidenti muhlat bugundan boshlanganini va Rossiyaning 10 kun ichida aniq qaror qabul qilishi zarurligini ta’kidladi. 28 iyul kuni Tramp Istanbuldagi muzokaralardan norozi ekanini, Rossiya va Ukraina o‘rtasida oldinga siljish bo‘lmayotganini ma’lum qildi.
Shu sababli, Rossiya bilan biznes aloqalarini davom ettirayotgan davlatlar yangi sanksiyalarga duch kelishi mumkinligi haqida ogohlantirdi. Eslatib o‘tish joizki, Tramp ilgari 14 iyul kuni Rossiyaga 50 kunlik muhlat bergan, shuningdek Ukrainaga yangi qurollar yetkazib berish va’dasini bildirgan edi.
Ammo endi bu muddat 10 kunga qisqartirildi. Dunyo jamoatchiligi Vashingtonning keyingi qadamlarini va Moskva hamda Kiyev o‘rtasida urushni to‘xtatish borasidagi voqealarni diqqat bilan kuzatmoqda.
Trampning keskin bayonotlari xalqaro siyosatda yangi bosim va murakkab savollarni yuzaga keltirmoqda.
