Trampning Rossiya siyosatida Melaniyaning roli katta
AQSH prezidenti Donald Tramp yaqinda “New York Post” nashriga bergan intervyusida Rossiya va Ukraina o‘rtasidagi mojaro hamda uning bu masaladagi shaxsiy yondashuvi haqida fikr bildirdi. Bu haqida Zamin.uz xabar berdi.
Uning so‘zlariga ko‘ra, bu mavzudagi pozitsiyasiga uning turmush o‘rtog‘i Melaniya Tramp katta ta’sir ko‘rsatgan. Tramp rafiqasining Putinga nisbatan ijobiy munosabatda ekanligini ta’kidlab, odamlar bilan til topishish muhimligini aytdi.
Shuningdek, u Melaniyaning dunyoqarashi, hayotiy tajribasi hamda betaraf siyosiy nuqtayi nazarini alohida e’tirof etdi. Melaniya Tramp Ukraina mojarosida qon to‘kilishiga qarshi bo‘lib, tinchlikni ta’minlash tarafdori ekanligini bildirdi.
Unga ko‘ra, rafiqasi har qanday muammoni diplomatik yo‘llar bilan hal qilishni ma’qul ko‘radi va uning fikrlari siyosiy qarorlar qabul qilishda muhim ahamiyatga ega. Ba’zi ommaviy axborot vositalari esa Trampning Rossiya bilan aloqalardagi yondashuviga aynan Melaniyaning ta’sir qilganini ta’kidlamoqda.
Bu esa AQSH siyosiy maydonida birinchi xonimning davlat siyosatiga qanday ta’sir ko‘rsatishini yana bir bor namoyon etdi. Tramp oilasining siyosiy qarorlarga berayotgan hissasi jamoatchilik e’tiborida qolmoqda.
