Arktikada oq va qora ayiqlar birga ovlamoqda
Arktikada global isish tufayli ilgari alohida yashagan oq va qora qo‘ng‘ir ayiqlar bir hududda uchrashmoqda. Bu haqida Zamin.uz xabar berdi.
Mutaxassislarning ma’lum qilishicha, endilikda ular hatto birga ov qilishga ham kirishgan. Masalan, qutb ayiqlari va qora qo‘ng‘ir ayiqlar birgalikda kiyik ovlashmoqda.
Bu haqda mashhur polyar tadqiqotchi Vladimir Chukov ma’lumot berdi. Mutaxassislar bunday holatni tabiiy jarayon deb hisoblamoqda.
Bu jarayon nafaqat ekotizimdagi o‘zgarishlarga, balki genetik aloqalarning kuchayishiga ham sabab bo‘lmoqda. Ilmiy tadqiqotlar shuni ko‘rsatdiki, oq ayiqlarning DNKsida qora qo‘ng‘ir ayiqlarga xos genlar mavjud.
Bundan tashqari, gibrid ayiq bolalari ham dunyoga kelganligi aniqlangan. Hozirgi kunda Arktikada haroratning oshishi oqibatida bu ikki tur orasidagi hududiy chegaralar yaqinlashmoqda.
Kelajakda ularning bir-biri bilan uchrashishi va o‘zaro ta’sirlashuvi ko‘payishi kutilmoqda. Bu esa ekotizimda yangi biologik muvozanatning yuzaga kelishiga imkon yaratadi.
Shunday qilib, global isish nafaqat iqlim o‘zgarishlariga, balki hayvonot olamining genetik tarkibiga ham ta’sir ko‘rsatmoqda.
