Kanada bosh vaziri Mark Karni mamlakatning sentabr oyida Falastin davlatini rasmiy tan olishini e’lon qildi. Bu haqida Zamin.uz xabar berdi.
Shu tariqa Kanada Fransiya va Buyuk Britaniyadan keyin G7 guruhidagi uchinchi davlat bo‘lib, bunday bayonot berdi. Karni tan olish qarori Falastin ma’muriyati tomonidan saylovlar o‘tkazilishi va HAMAS tashkilotining jarayondan chetda qolishiga bog‘liq ekanligini bildirdi.
Shuningdek, Falastin boshqaruv tizimida islohotlar amalga oshirilishi zarurligini ta’kidladi. Isroil hukumatining ta’kidlashicha, bu qaror HAMASni mukofotlash sifatida qabul qilinmoqda.
Kanada konservatorlari ham 7-oktabr hujumlaridan keyin bunday tan olish noto‘g‘ri signal berishini aytishdi. Mark Karni G‘azodagi og‘ir vaziyat va G‘arbiy Sohilda yahudiy aholi punktlarining kengayib borayotgani sababli Kanada tashqi siyosatida muhim burilish yuz berayotganini ta’kidladi.
U G‘azodagi insoniy azoblar chidab bo‘lmas darajaga yetganini bildirdi. Fransiya va Buyuk Britaniyaning bayonotlaridan so‘ng Kanada ham Falastin davlatini tan olish qaroriga yaqinlashmoqda.
Kanadadagi 200 nafardan ortiq sobiq diplomat bosh vazirga ochiq xat yo‘llab, bu qarorni qo‘llab-quvvatlashni so‘radi. BMTga a’zo 193 davlatdan 147 tasi allaqachon Falastin davlatini tan olgan.
Agar G‘arb davlatlari bu qarorni rasmiylashtirsa, AQSH Xavfsizlik Kengashining yagona doimiy a’zosi sifatida Falastinni tan olmagan davlat sifatida qoladi.
