Prinsessa Beatris kichik qizi bilan omma oldida birinchi bor

Britaniyalik prinsessa Beatris eridan tug‘ilgan farzandlari bilan birga ilk bor kichik qizi Afina bilan jamoatchilik oldida namoyon bo‘ldi. Bu haqida Zamin.uz xabar berdi.

Ular Londonda ayollar futboli bo‘yicha Yevro-2025 g‘oliblari sharafiga uyushtirilgan paradda qatnashdi. Beatris va turmush o‘rtog‘i Edoardo Mapelli Motsi odatda farzandlarini ommaning ko‘zidan uzoqda saqlashga harakat qiladi.

Biroq bu safar ular barcha farzandlarini olib, poytaxtning markazida joylashgan Bukingem saroyi yonida o‘tkazilgan paradga tashrif buyurdi. Oilada ikki qiz bor: Siyenna Elizabet va Afina Elizabet Rouz.

Shuningdek, Beatris erining avvalgi munosabatlaridan tug‘ilgan o‘g‘li Kristofer Vulfga ham mehr bilan ona bo‘lib kelmoqda. Prinsessa Beatris va Edoardo 22 yanvar kuni Afina ismli qizaloqqa ota-ona bo‘lishdi.

Afina belgilangan muddatdan ancha oldin dunyoga kelgan. Beatrisning so‘zlariga ko‘ra, homiladorlik davrida qiz doimiy tibbiy nazorat ostida bo‘lgan va ular erta tug‘ruq ehtimolini oldindan hisobga olib tayyorgarlik ko‘rishgan.

Beatris shunday deydi: “O‘sha oylarni eslaganimda, xavotir va ikkilanishlar bilan to‘la kunlar ko‘z oldimga keladi. Turmush o‘rtog‘im bilan boshidan bilib, tayyorgarlik ko‘rdik.

Endi esa men shu muammolarni boshdan kechirayotgan boshqalarga yordam berishni o‘zimga burch deb bilaman.”