Putin og‘ir jinoyatchilarni fuqarolikdan mahrum qildi
Rossiya prezidenti Vladimir Putin mamlakat fuqarolarini fuqarolikdan mahrum qilish imkonini beruvchi yangi qonunni imzoladi. Bu haqida Zamin.uz xabar berdi.
Ushbu qonunga muvofiq, 72 turdagi og‘ir jinoyatlarni sodir etgan shaxslar Rossiya fuqaroligidan mahrum qilinishi mumkin. Qonunga kiritilgan jinoyatlar orasida qotillik, terrorizm, shantaj, davlat xavfsizligiga tahdid soluvchi harakatlar hamda Rossiyaga qarshi xalqaro tashkilotlar bilan hamkorlik qilish kabi jiddiy jinoyatlar mavjud.
Shuningdek, jamoaviy zo‘rlash, voyaga yetmaganlarga qarshi zo‘ravonlik, bolalar pornografiyasini tarqatish, terrorizmni targ‘ib qilish va moliyalashtirish kabi jinoyatlar uchun ham fuqarolikdan mahrum etish jazosi qo‘llaniladi. Mutaxassislarning fikricha, ushbu qonun Rossiyada huquqiy tizimni yanada qat’iy nazorat qilishga xizmat qiladi.
Qonun rasman kuchga kirgan bo‘lib, tegishli idoralar tomonidan amalga oshirilmoqda. Bu yangi tartib mamlakatda qonun ustuvorligini ta’minlash va xavfsizlikni mustahkamlashga qaratilgan.
