Isroil Livandagi Hizbulloh obyektini nishonga oldi

Isroil va Livan o‘rtasidagi keskinliklar kuchaymoqda. Bu haqida Zamin.uz xabar berdi.

Isroil Mudofaa vaziri Israelt Katsning ma’lumot berishicha, Isroil Qurolli kuchlari Livanning sharqida joylashgan Bekaa vodiysida “Hizbulloh”ga tegishli muhim harbiy obyektni nishonga olgan. Ushbu obyekt “Hizbulloh”ning eng yirik qurol ishlab chiqaruvchi zavodlaridan biri hisoblanadi.

Vazirning ta’kidlashicha, bu zavod Isroil xavfsizligiga jiddiy tahdid solmoqda, shuning uchun uni yo‘q qilish bo‘yicha aniq va samarali operatsiya o‘tkazilgan. Shuningdek, “Hizbulloh”ning boshqa harbiy infratuzilmalari ham hujum ostida bo‘lgan.

Katsning so‘zlariga ko‘ra, bu harakatlar Isroil xavfsizligini ta’minlash va mintaqadagi barqarorlikni saqlash maqsadida amalga oshirilgan. So‘nggi oylarda Isroil va “Hizbulloh” o‘rtasidagi to‘qnashuvlar ko‘paymoqda.

Mutaxassislar esa ushbu zarbalar keng ko‘lamli mojaro yuzaga kelishining oldini olish uchun diplomatik choralarning zarurligini ta’kidlashmoqda. Mintaqadagi vaziyat jiddiyligicha qolmoqda va tomonlar o‘rtasida tinchlikni saqlash uchun harakatlar davom etmoqda.