Rossiya Federatsiyasi tomonidan Ukrainaga qarshi boshlangan keng qamrovli harbiy harakatlarda halok bo‘lgan rossiyalik harbiylar soni kamida 121 507 nafarga yetgani ma’lum qilindi. Bu haqida Zamin.uz xabar berdi.
Bu haqda “Mediazona” nashri va Britaniyaning BBC rus xizmati jurnalistlari ko‘ngillilar jamoasi bilan hamkorlikda tayyorlagan aniq ma’lumotlarga asoslanib xabar berdi. So‘nggi yangilangan statistika 2024 yil 1 avgust kuni e’lon qilindi.
Faqat 18 iyuldan boshlab ochiq manbalar orqali yana 2 353 nafar harbiy shaxsning shaxsi tasdiqlandi. “Mediazona” portalidagi ma’lumotlarga ko‘ra, halok bo‘lganlar orasida Boshqirdiston (5 889), Tatariston (5 565), Yekaterinburg (4 377) va Chelyabinsk (3 649) hududlaridan kelgan harbiylar eng ko‘p.
Ularning 27,3 foizi (33 152 kishi) ko‘ngillilar, 14,8 foizi (17 964) qamoqxonalardan jalb qilingan mahkumlar, 11 foizi (13 356) esa safarbar qilingan fuqarolardan iborat. Yosh guruhlari bo‘yicha eng ko‘p halok bo‘lganlar 30–32 yosh (10 366), 33–35 yosh (11 794), 36–38 yosh (11 614) va 39–41 yosh (10 625) orasidandir.
Shuningdek, Rossiya armiyasi va boshqa xavfsizlik kuchlari tarkibida xizmat qilgan 5 432 zobit, jumladan 12 nafar general ham Ukrainada halok bo‘lgan. Jurnalistlar ta’kidicha, haqiqiy yo‘qotishlar bundan ham yuqori bo‘lishi mumkin, chunki harbiylar o‘limi haqidagi ma’lumotlar doimiy ravishda ommaviy manbalarda ochiq e’lon qilinmaydi.
2024 yil 14 iyulda AQSh prezidenti Donald Tramp bilan uchrashuvda NATO bosh kotibi Mark Ryutte Rossiya armiyasi 2025 yil boshidan beri Ukrainada 100 mingdan ortiq askarini yo‘qotganini ma’lum qildi. Aprel oyida esa NATO Rossiya qurolli kuchlarining umumiy yo‘qotishlari 250 mingga yetgani va 650 ming nafar askarning jarohatlanganini bildirgan edi.
