Fransiyada to‘yga begona mehmonlar taklif qilinmoqda
Fransiyada to‘y an’analariga yangi yondashuv taklif qilindi. Bu haqida Zamin.uz xabar berdi.
"Invitin" nomli startap orqali istagan shaxslar tanish bo‘lmagan juftliklarning to‘yida mehmon sifatida qatnashishlari mumkin. Buning uchun o‘rtacha 150 yevro to‘lash talab etiladi.
Startap asoschisi Katya Lekarskining ta’kidlashicha, har bir to‘yda 5 dan 10 taga qadar begona mehmonlar qatnashishi mumkin. Bu nafaqat to‘y egalarining xarajatlarini kamaytirishga yordam beradi, balki mehmonlarga yangi madaniy tajriba taqdim etadi.
Parijdagi to‘y ko‘rgazmasida ushbu g‘oya bilan tanishgan juftlik — Jannifer va Paulo — o‘z to‘ylariga besh nafar begona mehmonni taklif qilishga qaror qildi. Mehmonlar maxsus ilovadagi profillar orqali tanlandi.
Har bir mehmon 150 yevro to‘lab, to‘yda butun kun davomida ishtirok etdi. Mehmonlar tarkibida bir juftlik va uch nafar erkak bor edi.
Ularning asosiy maqsadi nafaqat xarajatlarni kamaytirish, balki kutilmagan tanishuvlar va quvonchli muhit yaratishdir. Janniferning so‘zlariga ko‘ra, bu masala faqat pul haqida emas, balki atmosferani boyitish haqidadir.
Ular ekstravert insonlar bo‘lib, bunday yangi formatni yoqtirishadi. Shuningdek, kelin va kuyov to‘yda ayollar va erkaklar sonidagi nomutanosiblikni ham begona mehmonlar orqali bartaraf etmoqchi.
Ushbu yangilik Fransiyada katta qiziqish uyg‘otdi va ehtimol, boshqa mamlakatlarda ham ommalashishi mumkin. Manba: Pravilamag
