Yeva Jobs Buyuk Britaniya chempioni bilan turmush qurdi
Iyul oyining oxirida Apple kompaniyasi asoschilaridan biri, marhum Stiv Jobsning kichik qizi Yeva Jobs turmushga chiqdi. Bu haqida Zamin.uz xabar berdi.
Uning turmush o‘rtog‘i Buyuk Britaniyaning olimpiada chempioni Garri Charlz bo‘ldi. Bu haqda Peopletalk nashri xabar berdi.
Yosh juftlik to‘y marosimidan olingan suratlarni ijtimoiy tarmoqlarda e’lon qildi. Unda Yeva va Garri an’anaviy nikoh liboslarida, tabassum bilan kameraga qarab turganlari ko‘rinadi.
Rasm ostida Yeva Jobs: “Biz turmush qurdik! Bu hayotimdagi eng muhim va baxtli hafta bo‘ldi.
Menga yordam bergan barcha insonlarga chuqur minnatdorlik bildiraman. Sizlarni sevaman!” deb yozdi.
Yeva Jobs va Garri Charlz o‘rtasidagi munosabatlar 2022 yilda boshlandi. Ular o‘z sevgisini 2024 yil yozida rasman e’lon qildi.
Yeva o‘sha paytda Parijdagi Olimpiya o‘yinlarida g‘olib bo‘lgan turmush o‘rtog‘ini ijtimoiy tarmoqlarda samimiy tabriklagan edi. To‘y marosimi Buyuk Britaniyaning Kotsuolds mintaqasidagi tarixiy Greyt-Tyu qishlog‘ida o‘tkazildi.
Nikoh tantanasi Estel mulkida bo‘lib, bir necha kun davomida yuqori darajadagi tadbirlar tashkil etildi. Asosiy marosim XII asrda qurilgan va hududdagi eng go‘zal ibodatxonalardan biri hisoblangan “Sent Maykl va Barcha Farishtalar” cherkovida bo‘lib o‘tdi.
To‘y nafaqat yaqin qarindoshlar, balki xalqaro ommaviy axborot vositalari e’tibor markazida ham bo‘ldi. Yeva Jobs nafaqat Stiv Jobsning merosxo‘ri, balki mustaqil shaxs sifatida ham tanilgan.
U moda, biznes va ijtimoiy faoliyat bilan shug‘ullanadi hamda ijtimoiy tarmoqlarda keng auditoriyaga ega yoshlar qatoriga kiradi.
