AQSh Hindistonga Rossiya neftiga boj joriy qildi
AQSh prezidenti Donald Tramp Hindistonga Rossiyadan neft import qilgani uchun 25 foizlik qo‘shimcha boj joriy qiluvchi farmoyishni imzoladi. Bu haqida Zamin.uz xabar berdi.
Shu tariqa Hindistondan AQShga olib kiriladigan mahsulotlarga jami 50 foizgacha boj solinadi. Bu AQSh tomonidan qo‘llanilgan eng yuqori tariflardan biri hisoblanadi.
Oq uy bayonotida ta’kidlanishicha, Rossiyaning Ukrainadagi harbiy harakatlari AQSh milliy xavfsizligi va tashqi siyosatiga tahdid solmoqda. Shuning uchun favqulodda vaziyatga mos ravishda qat’iy choralar ko‘rilmoqda.
Hindistonning Rossiya neftini import qilib, uni qayta sotishi esa Rossiya iqtisodiyotini mustahkamlab, urushni davom ettirishiga imkon yaratmoqda. Hindiston hukumatining fikricha, Trampning bu qarori asossiz va adolatsizdir.
Tashqi ishlar vazirligi vakili Randir Jaysvalning so‘zlariga ko‘ra, mojaroning boshida AQSh Hindistonga Rossiya gazining bozor barqarorligini saqlash uchun zarurligini bildirgan. Hindiston esa an’anaviy yetkazib beruvchilar, ayniqsa Yevropaga yo‘naltirilgan ta’minotdagi muammolar sabab Rossiya neftini import qilishga majbur bo‘lganini ta’kidladi.
Shuningdek, Hindiston AQShning eng yirik savdo hamkorlaridan biri bo‘lishiga qaramay, bu kabi sanksiyalarga norozilik bildiradi. O‘z iqtisodiy xavfsizligini ta’minlash maqsadida zarur choralarni ko‘rishga tayyor ekanligini ma’lum qildi.
Bu voqea ikki davlat o‘rtasidagi iqtisodiy va siyosiy munosabatlarga ta’sir ko‘rsatishi mumkin.
