Sochida dron hujumi xavfi sabab evakuatsiya boshlandi
Rossiyaning Sochi shahrida dron hujumlari xavfi sababli plyajlardagi turistlar shoshilinch ravishda xavfsiz hududlarga evakuatsiya qilindi. Bu haqida Zamin.uz xabar berdi.
Shahar meri Andrey Proshunin aholiga derazasiz joylarda qolmaslik va tashqarida bo‘lishdan iloji boricha tiyilish tavsiya qildi. Maktablar, plyajlar hamda ochiq basseynlar vaqtincha bo‘shatildi.
Jumladan, “Sirius” hududidagi Olimpiya inshootlari atrofida dam olayotganlar ham xavfsiz joylarga ko‘chirildi. Sochi aeroportida samolyotlarning parvoz va qo‘nishlariga cheklovlar joriy qilingan bo‘lib, ko‘plab reyslar kechiktirilmoqda.
Shuningdek, Abxaziya bilan chegaradagi “Psoy” nazorat-o‘tkazuv punkti vaqtincha yopildi. Hukumat fuqarolardan havo mudofaa tizimlari harakatlari yoki dron qoldiqlarini aks ettirgan videolarni suratga olmaslikni so‘ramoqda.
Bu choralar aholining xavfsizligini ta’minlash va favqulodda vaziyatlarning oldini olish maqsadida amalga oshirilmoqda. Shahar hokimiyati barcha fuqarolarni rasmiy ko‘rsatmalarga amal qilishga chaqirmoqda.
