Sulaymon al-Ubayd G‘azada urushda halok bo‘ldi

G‘aza shahrida halok bo‘lgan mashhur futbolchi Sulaymon al-Ubaydning oilasi va muxlislari uni hurmat bilan xotirlashmoqda. Bu haqida Zamin.uz xabar berdi.

41 yoshli hujumchi Falastin terma jamoasi hamda “Al-Shati” klubining yetakchisi bo‘lib, muxlislar uni Braziliya afsonasi Pele bilan taqqoslashgan. Falastin Futbol Assotsiatsiyasi va yaqinlarining ma’lumotiga ko‘ra, u janubiy G‘azada insonparvarlik yordamini olish uchun navbatda turgan paytda Isroil tank snaryadi zarbasidan halok bo‘lgan.

Uning xotini Doa al-Ubayd marhumning 10-raqamli shortikasini esdalik sifatida saqlamoqda. Al-Ubaydning o‘limi xalqaro e’tibor qozondi.

“Liverpul” hujumchisi Muhammad Saloh UEFA ta’ziyasida voqea sababi tilga olinmaganini tanqid qilib, “U qanday, qayerda va nima uchun vafot etdi?” deb savol berdi. Isroil armiyasi voqeaga oid dastlabki tekshiruvda hech qanday yozuv topilmaganini ma’lum qildi.

Falastin Futbol Assotsiatsiyasi urushda yuzlab sportchilar va murabbiylar halok bo‘lganini, ko‘plab sport inshootlari vayron qilinganini ta’kidlamoqda. Shunga qaramay, Al-Ubayd urush sharoitida ham futbolni tark etmadi va muntazam mashg‘ulotlar olib bordi.

Mahalliy muxlislar uni nafaqat mahorati, balki sportga sodiqligi uchun eslashlarini bildiradi. Ularning aytishicha, “Bu futbolchi maydonda shamol singari yelib o‘ynardi, uni tomosha qilish har doim zavq bag‘ishlardi.”