Zelenogradda baliqqa ultratovush orqali jarrohlik qilindi
Rossiyaning Zelenograd shahridagi veterinariya klinikasida birinchi marta baliqqa ultratovush tekshiruvi o‘tkazildi va muvaffaqiyatli jarrohlik amaliyoti bajarildi. Bu haqida Zamin.uz xabar berdi.
Ma’lumotlarga ko‘ra, besh-yetti yosh atrofidagi biryuza akar balig‘i qorin sohasida shish bilan klinikaga olib kelingan. Bir hafta ichida shish tez o‘sib, baliqning suzish qobiliyati yomonlashgan hamda hojat chiqarishda qiyinchiliklar yuzaga kelgan.
Shuningdek, o‘sma yorilishi xavfi ham mavjud edi. Klinika veterinarlari tekshiruv davomida ultratovush mutaxassisi Tatyana Baragina baliq qorin bo‘shlig‘ida qonli suyuqlik to‘plangan kista aniqladi.
Shundan so‘ng jarroh Nadejda Kuzina punksiya usuli yordamida kistaning mazmunini tozalash amaliyotini muvaffaqiyatli amalga oshirdi. Bu tibbiy muolaja klinika amaliyotida ilk bor qo‘llanilib, tajriba ijobiy natija berdi.
Operatsiyadan so‘ng baliq o‘zining faol harakatlarini tikladi va normal suzish holatiga qaytdi. Mutasaddilar baliq bir muddat shifokorlar nazoratida bo‘lishi kerakligini, chunki kista qayta suyuqlik to‘plash xavfi mavjudligini ta’kidladi.
Ushbu amaliyot hayvonlar salomatligini saqlashda yangi imkoniyatlar ochdi va kelgusida shunga o‘xshash holatlarda samarali davolash usullaridan foydalanishga asos yaratdi.
