Fransiyada 21 yil uyda ishlamasdan maosh olgan ayol sudda
Fransiyada 21 yil davomida ishga bormay maosh olgan ayolning sudga murojaat qilishi katta e’tibor qozondi. Bu haqida Zamin.uz xabar berdi.
Lourens van Vassenxou ismli ayol 2002 yilda sog‘ligi sababli kotiba lavozimiga o‘tkazilgan. Keyinchalik esa ish beruvchilar uni uyda ishlash tartibiga o‘tkazib, unga muntazam maosh to‘lab kelgan.
Biroq Lourensning aytishicha, bu holat unga imtiyoz emas, balki jiddiy ruhiy azob bo‘lgan. U sudda uyda hech qanday ish qilmasdan o‘tirish juda qiyinligini, ish beruvchilar tomonidan e’tiborsiz qoldirilganini ta’kidladi.
Ushbu izolyatsiya 20 yildan ortiq davom etib, unga kuchli ruhiy bosim o‘tkazgan. Shuning uchun Lourens ish beruvchidan ma’naviy zarar uchun tovon talab qilmoqda.
Hozirda sud bu masala bo‘yicha yakuniy qaror qabul qilmagan, yaqin haftalarda hukm e’lon qilinishi kutilmoqda. Bu voqea Fransiya jamiyatida keng muhokamalarga sabab bo‘lmoqda.
