Tramp Putinning Alyaskadagi uchrashuvini e’lon qildi

AQSH prezidenti Donald Tramp 15 avgust kuni Rossiyaga borishini ma’lum qildi, biroq bu gap ehtimoliy og‘zaki xatolik bo‘lishi mumkin. Bu haqida Zamin.uz xabar berdi.

Aslida, u shu kuni Rossiya prezidenti Vladimir Putin bilan AQSHning Alyaska shtatida uchrashishi rejalashtirilgan. Bu haqda Pravilamag nashri xabar berdi.

Trampning “Rossiyaga ketyapman” degan so‘zi Oq uyda bo‘lib o‘tgan matbuot anjumanida C-SPAN telekanali orqali jonli efirda aytilgan. Kreml ham ushbu uchrashuvni tasdiqlab, uning Alyaskada o‘tkazilishi mantiqan to‘g‘ri ekanini bildirgan.

Uchrashuvda Rossiya va Ukraina o‘rtasidagi mojaro masalalari muhokama qilinadi. Ma’lumot uchun, Donald Tramp Rossiyada besh marta bo‘lgan.

Uning birinchi tashrifi 1987 yil iyul oyida SSSR bilan biznes imkoniyatlarini o‘rganish maqsadida amalga oshirilgan. Shu paytda u sovet hukumati va “Inturist” kompaniyasi bilan birgalikda mehmonxona qurish loyihasini ko‘rib chiqqan.

So‘nggi tashrifi esa 2013 yilda bo‘lib, Moskvada o‘zi tashkil etgan “Miss Vselennaya” go‘zallik tanlovida ishtirok etgan. Ushbu voqea AQSH va Rossiya o‘rtasidagi munosabatlar fonida katta siyosiy ahamiyatga ega hisoblanadi.

Tramp va Putin o‘rtasidagi uchrashuv ikki davlatning dolzarb masalalarini muhokama qilish uchun muhim imkoniyat yaratadi.