Hindistonda yo‘lbars hujumida o‘qituvchi halok bo‘ldi
Hindistonda 23 yoshli boshlang‘ich sinf o‘qituvchisi yo‘lbars hujumi natijasida halok bo‘ldi. Bu haqida Zamin.uz xabar berdi.
Ma’lumotlarga ko‘ra, u qo‘ziqorin terish uchun o‘rmonga kirgan va uyiga qaytmagan. Mahalliy aholi tomonidan olib borilgan qidiruv ishlari davomida uning jasadi o‘rmon ichida, faqat yuzi va oyoqlari qolgan holda topilgan.
Bu hodisa Hindistonda yo‘lbarslarning insonlarga nisbatan qilgan navbatdagi halokatli hujumlaridan biridir. Joriy yil iyul oyida Sundarbanda yo‘lbars bir kishini tishlab, yana bir jabrlanuvchi hanuz topilmagan.
Bundan tashqari, Maxarashtra shtatidagi Parseoni shahri yaqinida ham dehqon yo‘lbars qurboni bo‘lgan. O‘rmon xodimlari hodisa joyida yo‘lbars izlarini aniqlashgan.
So‘nggi yillarda bunday fojialar soni oshgani mutaxassislar tomonidan o‘rmon maydonlarining qisqarishi va odamlarning tabiiy muhitga yaqinlashishi bilan izohlanmoqda. Qishloq aholisi yoqilg‘i, qo‘ziqorin va boshqa resurslar izlab tez-tez o‘rmonga kiradi, bu esa ularni xavf ostida qoldiradi.
Ayrim hududlarda bolalar ham hayotlarini asrash maqsadida bolta ko‘tarib yurishga majbur bo‘lmoqda, chunki yirtqich hayvonlar tahdidi ortib bormoqda. Hududlarda xavfsizlik choralarini kuchaytirish va aholini ogoh qilish muhim hisoblanadi.
