Boxtarda Temuriy va Mang‘it tangalari topildi

Tojikistonning Xatlon viloyatidagi Boxtar shahrida joylashgan tarixiy “Bibixonim” qal’asi yaqinida arxeologik qazishmalar olib borilmoqda. Bu haqida Zamin.uz xabar berdi.

Qazishmalar boshlangandan buyon noyob topilmalar aniqlandi. Viloyat hokimiyati matbuot xizmati ma’lumotiga ko‘ra, tadqiqot jarayonida Temuriylar va Mang‘itlar davriga oid mis tangalar topildi.

Bu haqda “Sputnik Tojikiston” xabar berdi. 2025 yil 12 avgustda Tojikiston Tarixiy madaniy merosni muhofaza qilish agentligi olimlari “Bibixonim” qal’asi yonidagi tepalikda arxeologik izlanishlarni boshladi.

Qazish ishlarining ilk kunlarida mutaxassislar ikki noyob mis tangani topdi. Ulardan biri XV–XVI asrlarda hukmronlik qilgan Temuriylar sulolasiga, ikkinchisi esa XVI–XVII asrlarda Mang‘itlar davrida zarb qilingan.

Shuningdek, qazishmalar davomida mis tangalardan tashqari o‘sha davrga oid sopol buyumlar va sinib ketgan ko‘zalar ham topildi. Bu topilmalar o‘sha davr aholisi hayoti va madaniy rivojlanishi haqida qimmatli ma’lumot beradi.

Arxeologik qazishmalar 17 avgustga qadar davom etadi. Olimlar ta’kidicha, mazkur topilmalar nafaqat Boxtar tarixi, balki butun Markaziy Osiyodagi o‘rta asrlar madaniy va iqtisodiy aloqalarini o‘rganishda muhim ahamiyatga ega.

Bu tadqiqotlar mintaqaning tarixiy merosini yanada chuqurroq anglashga xizmat qiladi.