Pokistonda sel va ko‘chkilar qurbonlari 307 ga yetdi
Pokiston va Kashmir hududlarida kuchli musson yomg‘irlari sabab yuzaga kelgan sel va ko‘chkilar oqibatida halok bo‘lganlar soni 307 nafarga yetdi. Bu haqida Zamin.uz xabar berdi.
Favqulodda vaziyatlar xizmati ma’lumotlariga ko‘ra, qurbonlarning aksariyati shimoli-g‘arbiy Pokistonning tog‘li Kxaybar-Paxtunxva viloyatida qayd etilgan. Ushbu hududda kamida 74 ta uy vayron bo‘lgan.
Qutqaruv ishlari davomida M-17 vertolyoti qulab, bortidagi besh nafar ekipaj a’zosi halok bo‘ldi. Pokiston boshqaruvidagi Kashmirda 9 kishi, shimoliy Gilgit-Baltiston mintaqasida esa 5 kishi jon bergani tasdiqlandi.
Rasmiy ob-havo xizmati ogohlantirishicha, mamlakatning shimoli-g‘arbiy qismida 21 avgustgacha kuchli yog‘ingarchilik davom etadi. Bir qator hududlar favqulodda vaziyat zonasi sifatida e’lon qilindi.
Buner tumanida sel toshqini guvohlari bu holatni “qiyomat manzarasi” deb ta’riflashdi. Kxaybar-Paxtunxva viloyat hukumati motam kuni e’lon qildi.
Kashmirda ham kuchli sel oqibatida kamida 60 kishi halok bo‘lgani ma’lum qilindi. Musson mavsumida, ya’ni iyun va sentyabr oylarida Janubiy Osiyoga yillik yog‘ingarchilikning taxminan uchdan uch qismi yog‘adi.
Joriy yilgi mavsumda mintaqada 300 dan ortiq odam halok bo‘ldi. Mutaxassislar ta’kidlashicha, iqlim o‘zgarishi ekstremal ob-havo hodisalarining tez-tez yuzaga kelishiga sabab bo‘lmoqda.
