Londonlik 10 yoshli shaxmatchi yangi rekord o‘rnatdi

Londonlik o‘n yoshli maktab o‘quvchisi Bodxana Sivanandan shaxmatda yangi rekord o‘rnatdi va grossmeysterni mag‘lub etgan eng yosh shaxmatchi sifatida tarixda o‘z o‘rnini topdi. Bu haqida Zamin.uz xabar berdi.

CNN va BBC xabarlariga ko‘ra, bu g‘alaba unga shaxmat tarixida muhim o‘rin egallashga yordam berdi. Bodxana Buyuk Britaniya shaxmat chempionatining finalida 60 yoshli Pit Vellsni mag‘lub etdi.

Ushbu muvaffaqiyat uning shaxmatdagi yutuqlarini yangi bosqichga ko‘tarib, xalqaro usta unvonini qo‘lga kiritishiga sabab bo‘ldi. Xalqaro shaxmat federatsiyasining ma’lumotlariga ko‘ra, Bodxananing 10 yil, 5 oy va 3 kundan iborat yoshdagi rekordlari 2019 yilda o‘rnatilgan 10 yosh 11 oylik Karisa IP ning rekordini yangiladi.

Hozirda Sivanandan Vengriyadagi Shaxmat olimpiadasida ayollar jamoasi tarkibida ishtirok etib, Angliyani xalqaro maydonda muvaffaqiyatli himoya qilayotgan eng yosh shaxmatchi hisoblanadi. Bodxana shaxmat bilan besh yoshidan shug‘ullanadi.

COVID-19 pandemiyasi davrida otasining do‘stlaridan birining sumkasidan topilgan shaxmat taxtasi unga o‘yinchoq bo‘lib xizmat qilgan va shu orqali u shaxmatga qiziqib qoldi. Shundan so‘ng u shaxmatni jiddiy o‘rganishni boshladi.

Bodxananing yosh shaxmatchi sifatidagi yutuqlari mamlakatda shaxmatning ahamiyatini oshirishga va yoshlarning intellektual rivojlanishiga katta hissa qo‘shadi. Bu natijalar yosh avlodni bilimga intilish va mantiqiy fikrlashga undaydi.