Putin Zelenskiyni Moskvaga uchrashuvga taklif qildi

Rossiya Federatsiyasi prezidenti Vladimir Putin Ukraina prezidenti Volodimir Zelenskiyni Moskvada uchrashuvga taklif qildi. Bu haqida Zamin.uz xabar berdi.

Bu haqda Agence France-Presse (AFP) agentligi manbalariga tayanib xabar berdi. Ma’lumotlarga ko‘ra, Putin taklifi Amerika Qo‘shma Shtatlari prezidenti Donald Tramp bilan 18 avgustdagi telefon suhbatida bildirildi.

Suhbat davomida Tramp, Zelenskiy va Yevropa davlatlari rahbarlarining Oq uyda o‘tkazilgan uchrashuvida Putinning taklifi muhokama qilingan. AFP manbalarining aytishicha, Ukraina prezidenti Zelenskiy Moskvada uchrashuv o‘tkazish taklifini rad etdi.

U bu joyda uchrashuvning imkonsizligi haqida aniq qaror qabul qilinganini ta’kidladi. Shuningdek, Donald Tramp Zelenskiy bilan muzokaralar olib borish hamda Putin bilan telefon orqali bog‘lanib uchrashuvni tashkil etish uchun tayyorgarlik boshlanganini bildirdi.

Bundan tashqari, Fransiya prezidenti Emmanuel Makron uchrashuv Jeneva shahrida o‘tkazilishi mumkinligini aytdi. Xalqaro jinoiy sud a’zosi bo‘lgan Shveysariya hukumati Putinga safar davomida daxlsizlik berishga tayyorligini rasman ma’lum qildi.

Shveysariya tashqi ishlar vaziri Inyatsio Kassisning so‘zlariga ko‘ra, muayyan sharoitlarda Putinga mamlakatga tashrif buyurishga ruxsat beriladi. O‘tgan yilda Shveysariya hukumati xalqaro hibsga olish orderi ostida bo‘lgan shaxslarga immunitet berish qoidalarini belgilagan.

G‘arb nashrlarida uchrashuv o‘tkazilishi mumkin bo‘lgan boshqa joylar sifatida Rim va Budapesht shaharlarining nomi ham tilga olinmoqda. Rossiya tomoni hozircha Putinning Ukraina prezidenti bilan uchrashuvga rozilik bergani haqida rasmiy tasdiq bermadi.

Prezident yordamchisi Yuriy Ushakov esa faqat Putin va Tramp o‘rtasida Rossiya hamda Ukraina o‘rtasidagi ikki tomonlama muzokaralarni kuchaytirish borasida fikr almashilganini bildirdi.