Akitada 93 yoshli erkak o‘g‘li tomonidan o‘ldirildi
Yaponiyaning Akita viloyatida yuzaga kelgan voqea jamoatchilik e’tiborini tortdi. Bu haqida Zamin.uz xabar berdi.
Dastlab, 93 yoshli erkakning o‘limiga ayiq hujumi sabab bo‘lgani taxmin qilingandi. Biroq keyinchalik tergov natijalari uning o‘g‘li tomonidan pichoqlab o‘ldirilgani aniqlandi.
Marhumning 51 yoshli o‘g‘li Fudziyuki Shindo ushbu jinoyat yuzasidan hibsga olindi. U ota-onasi bilan birga yashagan.
Politsiya dastlab ayiq hujumi haqida aholini ogohlantirgan, ammo jarohatlarning pichoqlash natijasida yuzaga kelgani aniqlangach, bu ma’lumotni bekor qildi. Tergov davomida uyda bir nechta pichoq topilgan va aynan qaysi pichoq ishlatilgani hamda jinoyat sababi aniqlanmoqda.
So‘nggi yillarda Yaponiyada ayiq hujumlari keskin oshgan. O‘tgan yil davomida 219 kishi ayiq hujumiga uchragan, shulardan 6 nafari halok bo‘lgan.
Iyul oyida ham gazeta tarqatuvchi erkak jigarrang ayiq hujumida vafot etgandi. Mutaxassislar fikricha, shimoliy Yaponiyada aholining qarishi va qishloq xo‘jaligi maydonlarining qisqarishi natijasida ayiq yashash hududlari odamlar yashaydigan maskanlarga yaqinlashmoqda.
Shu sababli hukumat ov qonunlarini yumshatib, ayiq ovlash va otishni osonlashtirdi. So‘nggi paytlarda minglab ayiq ovchilari tomonidan qo‘lga olinib yo‘q qilindi.
Bu holat hududlardagi xavfsizlikni ta’minlash va tabiat muvozanatini saqlashda yangi qiyinchiliklarni yuzaga keltirmoqda.
