Malayziyada harbiy samolyot havoda yong‘inga uchradi
Malayziya qirollik havo kuchlariga tegishli harbiy qiruvchi samolyot Kuantan shahridagi Sulton Hoji Ahmad Shoh xalqaro aeroportida havoga ko‘tarilish jarayonida yong‘inga uchradi va yerga quldi. Bu haqida Zamin.uz xabar berdi.
The Star axborot portali xabariga ko‘ra, hodisa samolyot havoga ko‘tarilganidan qisqa vaqt o‘tib sodir bo‘lgan. Qurolli kuchlarga mansub havo texnikasi qisqa parvozdan so‘ng yong‘in sababli nazoratdan chiqib, qulab tushgan.
Malayziya mudofaa vazirligi ma’lumotiga ko‘ra, samolyotda bo‘lgan ikki nafar uchuvchi zamonaviy xavfsizlik tizimi yordamida havodan muvaffaqiyatli chiqarib yuborilgan. Ularning ikkalasi ham shifoxonaga yotqizilgan, hozirda sog‘ligi barqaror va hayoti xavf ostida emas.
Hozirda samolyotning qulash sabablari o‘rganilmoqda. Mutaxassislar texnik nosozlik yoki boshqa omillarni aniqlash uchun maxsus komissiya tashkil etgan.
Kuantan aeroporti mamlakatdagi muhim harbiy va fuqarolik havo markazlaridan biri hisoblanadi, shuning uchun hodisa Malayziya jamoatchiligi orasida katta tashvish uyg‘otdi. Mutasaddilar surishtiruv natijalari yaqin vaqt ichida ommaga e’lon qilinishini bildirdi.
