Kali shahrida yuk avtomobili portlashi sodir bo‘ldi

Kolumbiyaning Kali shahrida joylashgan havo kuchlari bazasi yaqinida katta portlash sodir bo‘ldi. Bu haqida Zamin.uz xabar berdi.

Ushbu voqea natijasida kamida besh kishi halok bo‘lib, 36 kishi turli darajada jarohat oldi. Mahalliy hokimiyatning dastlabki ma’lumotlariga ko‘ra, portlash yuk avtomobili orqali amalga oshirilgan.

Shahar meri Aleksandro Eder bu hodisani narkoterrorchilar tomonidan uyushtirilgan hujum deb baholadi. U aholiga murojaat qilib, hukumat va qutqaruv xizmatlari jabrlanganlarga yordam ko‘rsatish uchun barcha imkoniyatlarni ishga solganini bildirdi.

Shahar ma’muriyati ijtimoiy tarmoqlarda ham bu haqda rasmiy ma’lumot tarqatdi. Hodisa mamlakatda katta muhokamalarga sabab bo‘ldi.

Mutasaddilar terrorchilikka qarshi kurashni kuchaytirish zarurligini ta’kidlamoqda. Ushbu voqea aholining xavfsizligiga jiddiy tahdid ekanligi aytilmoqda.

Shuningdek, hujumni amalga oshirgan shaxslar va ularning hamkorlarini aniqlash uchun alohida mukofot e’lon qilindi. Mer odamlarni hushyor bo‘lishga chaqirdi va har qanday ma’lumot tergov jarayonida muhim ahamiyatga ega ekanligini eslatdi.

Davlat organlari vaziyatni nazorat qilish va xavfsizlikni ta’minlash uchun choralar ko‘rmoqda.