Xitoyda bola mashina o‘rindig‘ida vafot etdi
Xitoyda ikki yoshli bola mashina o‘rindig‘ida qolib, fojiaviy tarzda vafot etdi. Bu haqida Zamin.uz xabar berdi.
Hodisa 2023 yil 1 mayda sodir bo‘lgan, biroq sud jarayoni yaqinda yakunlandi. “South China Morning Post” nashri bu voqea haqida ma’lumot berdi.
Fojia kuni ota mashinada rafiqasi va ikki farzandi bilan harakat qilgan. Bola maxsus bolalar o‘rindig‘ida uchinchi qatorda yolg‘iz o‘tirgan, opasi va onasi esa ikkinchi qatorda bo‘lgan.
Opasi o‘rindig‘ni pastga tushirganda, bolaning boshi o‘rindiq orasida qattiq qisilib qolgan. Natijada bola hushini yo‘qotgan va tanasida ko‘karishlar paydo bo‘lgan.
Shifoxonaga yetkazilganda shifokorlar miya jarohati va kislorod yetishmasligi sabab bolaning allaqachon vafot etganini aniqlashdi. Bu voqea ota-ona va mahalliy jamoatchilik uchun katta qayg‘u va shok bo‘ldi.
Ota-ona avtomobil kompaniyasidan tovon va kechirim so‘radi. Ularning da’vosiga ko‘ra, avtomobilda avtomatik qaytish funksiyasi yo‘q edi va kompaniya yetarli ogohlantirish bermagan.
Oila 280 ming dollar miqdorida to‘lovni talab qildi, bu tibbiy xarajatlar, ruhiy yordam va kompensatsiyani o‘z ichiga oladi. Avtomobil kompaniyasi mahsulotlari barcha sanoat standartlariga javob berishini, Xitoyning majburiy sifat sinovlaridan o‘tganini ta’kidlab, da’voni rad etdi.
Pudong tuman sudi esa fojiani ota-onaning beparvoligi deb topdi. Sudya Si Shaojun kompaniya mijozlar mahsulotdan odatiy sharoitda foydalanganda javobgar ekanini aytdi.
Bolalar xavfsizligi uchun eng muhim himoya chorasi ota-onaning mas’uliyatli nazoratidir. Sud qaroridan so‘ng ota-onaning da’vosi qonuniy asosda rad etildi.
Ushbu voqea ota-onalar uchun muhim ogohlantirishdir. Bolalarning xavfsizligini ta’minlashda har bir harakat va nazorat juda katta ahamiyatga ega ekanligini yana bir bor eslatadi.
