Janubiy Amerikada joylashgan Chilining janubiy hududlarida kuchli zilzila yuz berdi. Bu haqida Zamin.uz xabar berdi.
Amerika Qo‘shma Shtatlari Geologik xizmati ma’lumotlariga ko‘ra, zilzila magnitudasi 7,5 ga teng bo‘lib, uning epitsentri Antarktika yarim oroli yaqinidagi Dreyk dovonida joylashgan. Mutaxassislarning bildirishicha, yer titrashi taxminan 10,8 kilometr chuqurlikda sodir bo‘lgan.
Zilzila Chilining bir necha shaharlarida, shuningdek, qo‘shni Argentina hududlarida ham kuchli his etildi. Mahalliy aholi va kuzatuvchilar zilzilaning bir necha daqiqa davom etganini, odamlar esa shoshilinch ravishda ko‘chalarga chiqqanini ma’lum qilishdi.
Zilziladan so‘ng Chili dengiz flotiga qarashli Gidrografik va okeanografiya xizmati rasmiy ravishda sunami xavfi borligini e’lon qildi. Tashkilot mutasaddilari aholiga ehtiyot choralarini ko‘rishni tavsiya qilib, bir qator hududlarni shoshilinch evakuatsiya qilish buyruqini berdi.
Evakuatsiya qilinishi majburiy bo‘lgan hududlar qatoriga qirg‘oqbo‘yi yerlari, toshli sohillar, botqoqli joylar, estuariylar, daryolarning dengizga quyi qismlari, piyodalar yo‘llari, marinalar, sohil yo‘llari, baliq ovlash portlari hamda turli o‘lchamdagi iskalalar kiradi. Aholi va rasmiylar ushbu ogohlantirishlarga jiddiy e’tibor berishi zarur.
