Niderlandiya siyosiy maydonida kutilmagan voqea yuz berdi. Bu haqida Zamin.uz xabar berdi.
Mamlakat qiroli Villem-Aleksandr hukumatdagi «Yangi jamoat shartnomasi» partiyasiga mansub besh yuqori martabali vazirning iste’fosini qabul qildi. Iste’folarning asosiy sababi G‘azo sektoridagi vaziyatning keskinlashishi va Isroilga qarshi choralar ko‘rishdagi samarasizlikdir.
Iste’foga chiqqanlar orasida tashqi ishlar vaziri Kaspar Veldkamp, bosh vazir o‘rinbosari hamda ijtimoiy ishlar va bandlik vaziri Eddi van Xeyem, ichki ishlar vaziri Yudit Autermark, ta’lim, madaniyat va fan vaziri Eppo Breyns hamda sog‘liqni saqlash, ijtimoiy ta’minot va sport vaziri Daniel Yansen bor. Shuningdek, to‘rt nafar davlat kotibi ham lavozimidan voz kechdi.
Kaspar Veldkamp Isroilga qarshi qat’iy choralar ko‘rishni taklif qilgan, biroq parlament va partiyada bu tashabbus yetarlicha qo‘llab-quvvatlanmagan. Shu sababli u iste’foga chiqishga qaror qilgan va uning qaroriga boshqa partiyadoshlar ham qo‘shilgan.
Mutaxassislar fikricha, ushbu iste’folar Niderlandiya hukumatidagi vaziyatni yanada keskinlashtirishi mumkin. Bundan tashqari, bu voqea mamlakat tashqi siyosatida yangi bosqichni boshlab berishi ehtimoldan xoli emas.
Ushbu holat G‘azo masalasi bo‘yicha Yevropadagi siyosiy kuchlarning qarashlari o‘rtasidagi ixtiloflarni yana bir bor ko‘rsatdi.
