Zelenskiy tinchlik faqat ukrainaliklar tomonidan hal qilinadi
Ukraina Prezidenti Volodimir Zelenskiy mamlakat mustaqillik kuni munosabati bilan xalqga murojaat qildi. Bu haqida Zamin.uz xabar berdi.
U Ukrainada adolatli va barqaror tinchlik zarurligini ta’kidlab, bu tinchlik faqat ukrainaliklarning o‘zi tomonidan hal qilinishi mumkinligini bildirdi. Zelenskiy nutqida Ukraina hali g‘alaba qozonmagan, lekin mag‘lub ham bo‘lmaganini aytdi.
Nutq Rossiyaning atom elektr stansiyasiga hujum qilgani haqida xabarlar tarqalganidan keyin yangradi. Rossiya tomonidan dronlar sabab yong‘in kelib chiqqani, ammo tezda bartaraf etilgani ma’lum qilindi.
Xalqaro atom energiyasi agentligi yadro obyektlarini himoya qilish zarurligini yana bir bor eslatdi. Mustaqillik bayrami tadbirlari Kyiv shahrining markazida o‘tkazildi.
Tadbirda Kanada Bosh vaziri Mark Karni ishtirok etib, Ukrainaga bir milliard dollardan ortiq harbiy yordam ko‘rsatilishini e’lon qildi. Shuningdek, Britaniya va Norvegiya ham Ukraina mudofaasini qo‘llab-quvvatlashini tasdiqladi.
Rossiya esa Donetsk viloyatida ikki qishloqni egallaganini bildirgan. Urush boshlanganidan beri Rossiya kuchlari Ukraina hududining taxminan 20 foizini nazorat ostiga olgan.
Shunga qaramay, ukrainaliklar o‘z mustaqilligi uchun kurashni davom ettirmoqda. O‘tgan hafta AQSh Prezidenti Donald Tramp va Rossiya rahbari Vladimir Putin o‘rtasida uchrashuv bo‘lib o‘tganiga qaramay, kutilgan natijaga erishilmadi.
Zelenskiy Rossiyaning urushni cho‘zayotgani haqida gapirib, adolatli tinchlik o‘rnatilguncha Ukraina qarshilikni davom ettirishini ta’kidladi.
