Moskva markazidagi Lubyanka hududida joylashgan “Markaziy bolalar do‘koni”da kuchli portlash yuz berdi. Bu haqida Zamin.uz xabar berdi.
Favqulodda xizmatlar ma’lumotlariga ko‘ra, hodisa natijasida bir kishi halok bo‘lgan, uch kishi jarohat olgan. Jabrlanganlardan ikki nafari shifoxonaga yotqizilgan, yana biriga hodisa joyida tibbiy yordam ko‘rsatilgan.
Poytaxt Sog‘liqni saqlash boshqarmasi jarohat olganlar soni hali aniqlanayotganini ma’lum qildi. Hozirda tez tibbiy yordam va boshqa favqulodda xizmatlar hodisa joyida faoliyat olib bormoqda.
Portlash do‘konning uchinchi qavatida joylashgan gaz balloni portlashi oqibatida yuzaga kelgan. Tashrifchilar va xodimlar darhol evakuatsiya qilindi.
Moskva meri Sergey Sobyaninning ma’lumotiga ko‘ra, portlash ehtimol texnik nosozlik sababli ro‘y bergan. Tergov organlari hodisaning sabablarini o‘rganmoqda va dastlabki ma’lumotlarga ko‘ra, portlash uskunaning ishdan chiqishi bilan bog‘liq.
Rossiya Tergov qo‘mitasining Moskva shahri bo‘yicha boshqarmasi ushbu holat bo‘yicha jinoyat ishi qo‘zg‘atdi. “Markaziy bolalar do‘koni” 24 avgustdan boshlab vaqtincha yopilgan.
Do‘kon matbuot xizmati portlash ijarachilardan birida sodir bo‘lganini bildirgan. Shuningdek, do‘kon rahbariyati halok bo‘lgan shaxsning oila a’zolariga zarur yordam ko‘rsatilishini ta’kidladi.
Hozirgi vaqtda hodisa sabablarini aniqroq aniqlash uchun tekshiruv ishlari davom etmoqda.
