Belgiyalik 41 yoshli kolleksioner Stiven van Deyk dunyodagi eng yirik LEGO minifiguralar to‘plamini yaratdi. Bu haqida Zamin.uz xabar berdi.
Uning kollektsiyasi 11 803 ta figuradan iborat bo‘lib, bu rasmiy ravishda Ginnes rekordlari kitobiga kiritildi. Stivenning so‘zlariga ko‘ra, LEGO figurasi nafaqat qimmatbaho o‘yinchoq, balki izlanish, almashish va namoyish qilishdan zavq olish vositasidir.
Kolleksiya shunchalik katta bo‘lganki, uni uy sharoitida saqlash imkoni yo‘q, shuning uchun uning bir qismi ko‘rgazmalarda namoyish etiladi. Stivenning LEGOga bo‘lgan qiziqishi bolaligidan boshlanib, birinchi figurasi ko‘zlari bog‘langan, qizil-siyoh rangli kiyim kiygan qaroqchi bo‘lgan.
Shu paytdan boshlab u bu mashg‘ulot umrining ajralmas qismiga aylanganini anglagan. Uning to‘plamida klassik qahramonlar bilan birga Ninja Turtles, Yulduzli urushlar, Batman va Vinni Pux kabi mashhur franshizalarning personajlari ham mavjud.
Eng qimmatbaho topilmalari orasida faqat lotereya orqali tarqatilgan noyob britancha figura bor. Unga ega bo‘lish uchun Londondagi LEGO do‘koniga kirish uchun olti soat navbatda kutgan.
Stiven LEGO anjumanlarida faol ishtirok etib, dunyoning turli burchaklaridan kelgan ishqibozlar bilan tanishishni yoqtiradi. Uning so‘zlariga ko‘ra, bu jamoa orqali ko‘plab do‘stlar orttirgan.
Bu faoliyat unga nafaqat zavq bag‘ishlaydi, balki yangi imkoniyatlar va do‘stliklarni ham keltiradi.
