Prezident Rahmon mustaqillik bayramida taqdirladi Ozodani

Tojikiston Prezidenti Imomali Rahmon mustaqillik bayrami arafasida katta tadbirlar tashkil etdi. Bu haqida Zamin.uz xabar berdi.

25 avgust kuni Dushanbedagi “Millat” saroyida bo‘lib o‘tgan rasmiy marosimda davlat rahbari mamlakat taraqqiyotiga hissa qo‘shgan 200 nafarga yaqin shaxsni yuqori davlat mukofotlari bilan taqdirladi. Ushbu mukofotlar ilm-fan, tibbiyot, ta’lim, madaniyat va san’at sohalarida erishilgan yutuqlar, shuningdek, tadbirkorlikdagi fidokorona mehnat uchun berildi.

Ahamiyatli jihat shundaki, Prezident Imomali Rahmon o‘zining qizi Ozoda Rahmonni ham taqdirladi. Ozoda Rahmon Tojikiston siyosiy elitasida muhim o‘rin tutadi va hozirda Prezident Ijroiya qo‘mitasi rahbari sifatida faoliyat yuritmoqda.

Uning davlat va jamiyat taraqqiyotidagi hissasi, siyosiy va ma’muriy sohalardagi samarali ishlari yuqori baholandi. Ozoda Rahmon siyosiy faoliyatini 2005 yilda Amerika Qo‘shma Shtatlaridagi elchixonada boshlagan.

U 27 yoshida davlat xizmatiga kirib, hozirgi kunda mamlakat boshqaruvida muhim lavozimni egallab turibdi. Uning tajribasi Tojikistonda siyosiy barqarorlik va islohotlarning amalga oshishiga katta hissa qo‘shmoqda.

Prezident Imomali Rahmonning bu qadriyatlari mamlakatda mustaqillik va taraqqiyot yo‘lida muhim ahamiyat kasb etadi.