Valentina Gomes Qur’onni olovpurkagich bilan yoqdi
AQSH Kongressiga nomzod Valentina Gomes Qur’onni olovpurkagich yordamida yoqib yubordi, deb xabar berdi “Timeline Daily” nashri. Bu haqida Zamin.uz xabar berdi.
Texas shtatidan Respublikachilar partiyasi nomzodi sifatida ishtirok etayotgan Gomesning videorolikda qo‘lida olovpurkagich tutib, muqaddas Kitobni yoqib yuborishi aks etgan. Ushbu videoda u Texasda islom dinining butunlay tugatilishi kerakligini ham ta’kidlagan.
Gomes AQSH Kongressining Vakillar palatasiga Texasning 31-okrugidan saylanmoqchi. U musulmonlarni xristian davlatlariga zo‘ravonlik bilan tahdid qilmoqda, deb ayblab, tarafdorlarini uni qo‘llab-quvvatlashga chaqirgan.
Ushbu voqea ijtimoiy tarmoqlarda keng norozilik uyg‘otdi. Jamoatchilik vakillari va huquqshunoslar Gomesning harakatini diniy e’tiqod erkinligiga tahdid sifatida hamda nafratni kuchaytiruvchi xatti-harakat deb baholamoqda.
AQSHda diniy erkinlik va qonun doirasidagi muhokamalar kuchayib, bu voqea keng jamoatchilik e’tiborini tortdi. Shuningdek, Fransiyaning Viyyorban shahrida ham shunga o‘xshash voqea sodir bo‘lgan edi.
Noma’lum shaxs masjiddan Qur’onni o‘g‘irlab, uni yoqib yuborgan. Bu holatlar diniy bag‘rikenglik va tinchlik masalalarining ahamiyatini yanada oshirmoqda.
Odamlar o‘rtasida hurmat va birdamlikni saqlash muhimligi qayta ta’kidlanmoqda.
