Turkmanistonda 2025 yilda tamaki taqiq qilinadi
Turkmaniston Respublikasi hukumati 2025 yil yakuniga qadar mamlakat hududida tamaki chekishni to‘liq taqiqlashni rejalashtirmoqda. Bu haqida Zamin.uz xabar berdi.
Rasmiy manbalarga ko‘ra, bu qaror aholining sog‘ligini himoya qilish va turli kasalliklarning oldini olish maqsadida qabul qilinmoqda. Jahon sog‘liqni saqlash tashkilotining ma’lumotlariga ko‘ra, Turkmaniston aholisi taxminan 7 million kishidan iborat bo‘lib, ulardan atigi 7 foizi tamaki mahsulotlarini iste’mol qiladi.
Bu ko‘rsatkich Markaziy Osiyo davlatlari orasida eng pastlardan biri hisoblanadi. Mamlakatda bir necha yillar davomida tamaki mahsulotlariga qarshi qat’iy siyosat yuritilib kelinmoqda va uning natijalari sezilarli darajada o‘zini ko‘rsatmoqda.
So‘nggi yillarda chekuvchilar sonining sezilarli darajada kamayishi kuzatilmoqda. Bu jarayonda targ‘ibot ishlari, tamaki mahsulotlarini sotishdagi cheklovlar, shuningdek, maktab va ish joylarida olib borilayotgan ta’limiy dasturlar muhim rol o‘ynamoqda.
Chekishga qarshi qonunlar nafaqat shaxsiy, balki jamoat joylari, ishxonalar, muassasalar va transport vositalarida ham qat’iy nazorat ostida. Turkmanistondagi tibbiyot mutaxassislari ham ushbu tashabbusni qo‘llab-quvvatlamoqda.
Ularning fikriga ko‘ra, chekuvchilar sonining kamayishi nafas yo‘llari kasalliklari bilan birga yurak xastaligi, insult va saraton kasalliklarining oldini olishda ham muhim ahamiyatga ega. Ushbu choralar mamlakat aholisi salomatligini yaxshilashga xizmat qiladi.
