Ukrainaning milliy xavfsizlik va mudofaa kengashi sobiq kotibi hamda Oliy Rada sobiq raisi Andrey Parubiy otib o‘ldirilgani haqida ma’lumot berdi. Bu haqida Zamin.uz xabar berdi.
Bu haqda "Obshchestvennoye" telekanali o‘zining Telegram-kanalida xabar tarqatdi. Ma’lumotlarga ko‘ra, Lvov shahrida siyosiy arbob Andrey Parubiy otishma oqibatida halok bo‘lgan.
Dastlab Ukraina politsiyasi Lvovda yuz bergan otishma natijasida bir siyosiy jamoat arbobi vafot etgani haqida xabar bergan, ammo uning ismi oshkor qilinmagan edi. Keyinroq qotilning «Glovo» yetkazib berish xizmatida kuryer sifatida ishlagani ma’lum bo‘ldi.
Andrey Parubiy 2016 yildan 2019 yilgacha Ukraina parlamenti – Oliy Rada raisi bo‘lgan. Shuningdek, u 2014 yilda milliy xavfsizlik va mudofaa kengashi kotibi sifatida faoliyat yuritgan.
Mutaxassislar ushbu voqeani Ukraina siyosiy hayotida katta shov-shuvli hodisa deb baholamoqda. Jamoatchilik esa qotillik sabablarini aniqlash va voqea ortidagi omillar yuzasidan rasmiy bayonotlarni kutmoqda.
Hozircha rasmiy organlar tomonidan qo‘shimcha ma’lumotlar berilmagan. Ushbu voqea mamlakat siyosatida keskinlik va noroziliklarni kuchaytirishi mumkinligi haqida fikrlar mavjud.
Ma’lumotlar yangilangan sari voqea tafsilotlari kengroq yoritiladi.
