Erik Tramp prezidentlikka nomzod bo‘lishi mumkinligi aytildi
AQSH prezidenti Donald Trampning o‘g‘li Erik Tramp kelajakda Amerika Qo‘shma Shtatlarida davlat rahbarligi uchun kurashishi mumkinligini inkor etmadi. Bu haqida Zamin.uz xabar berdi.
Nikkei nashriga bergan intervyusida jurnalistning “Prezidentlikka nomzod bo‘lishingiz mumkinmi?” degan savoliga u aniq “yo‘q” yoki “ha” deb javob bermadi. Erik Tramp bu imkoniyatni hech qachon butunlay rad etmasligini ta’kidladi, biroq hozirda o‘zini ko‘proq biznes sohasida faol deb hisoblashini aytdi.
U World Liberty Financial nomli kriptovalyuta kompaniyasiga rahbarlik qiladi va moliya hamda texnologiya sohalarida faoliyat yuritadi. Bir necha kun oldin Donald Tramp navbatdagi prezidentlik saylovlarida ishtirok etmasligini ma’lum qilgan edi.
Shu sababli Erik Trampning ehtimoliy nomzodi siyosiy doiralarda katta qiziqish uyg‘otmoqda. Ekspertlar fikricha, agar Erik Tramp prezidentlikka da’vogar bo‘lsa, u otasining siyosiy merosini davom ettirishi bilan birga Amerika siyosatida yangi o‘zgarishlar va yangiliklar olib kelishi mumkin.
Bu holat mamlakat siyosati uchun muhim voqea bo‘lishi kutilmoqda.
