Afg‘onistonda kuchli zilzila yuzlab halok bo‘ldi
Afg‘onistonning sharqiy hududlarida kuchli zilzila sodir bo‘lib, kamida 800 dan ortiq odam halok bo‘ldi, 2800 dan ziyod kishi jarohatlandi. Bu haqida Zamin.uz xabar berdi.
Rasmiy ma’lumotlarga ko‘ra, zilzila yarim tun vaqtidda, yer yuzidan 10 kilometr chuqurlikda yuz berdi. Qutqaruv xizmatlari qulab tushgan uylar ostida qolganlarni izlash ishlarini davom ettirmoqda.
Eng ko‘p talafotlar Kunar va Nangarhor viloyatlarida qayd etildi. Ba’zi qishloqlar to‘liq vayron bo‘lib, tog‘li hududlarda aloqa vositalari ishlamayotgani sabab qutqaruv ishlari qiyinlashmoqda.
Harbiy vertolyotlar jarohatlanganlarni shifoxonalarga yetkazmoqda. Sog‘liqni saqlash vazirligi xalqaro hamkorlik va yordamga chaqiruv berdi.
Rasmiylar minglab oilalar uy-joysiz qolganini ta’kidlashmoqda. Hozircha hech bir xorijiy davlat rasmiy yordam taklif qilgani yo‘q.
Afg‘oniston so‘nggi yillarda bir necha bora halokatli zilzilalar bilan yuzlashgan. 2022-yilda yuz bergan 6,1 magnitudali zilzila natijasida ham mingga yaqin odam halok bo‘lgan edi.
Mamlakatda gumanitar inqiroz davom etayotgani sabab, xalqaro tashkilotlar tabiiy ofat oqibatlarini yengillashtirish uchun yordam zarurligini bildirgan.
