Afg‘onistonga Rossiyadan favqulodda yordam so‘raldi

Afg‘onistonda sodir bo‘lgan zilzila oqibatlarini bartaraf etish maqsadida mamlakat hukumati Rossiyadan favqulodda yordam so‘radi. Bu haqida Zamin.uz xabar berdi.

Bu haqda Rossiya prezidentining Afg‘oniston masalalari bo‘yicha maxsus vakili Zamir Qabulov ma’lum qildi. Uning so‘zlariga ko‘ra, Rossiya hukumati afg‘on xalqiga chuqur hamdardlik bildiradi va yaqin kunlarda gumanitar yordam ko‘rsatishga tayyor.

Zilziladan jabr ko‘rgan aholiga zarur yordam berish uchun barcha chora-tadbirlar amalga oshiriladi. Rasmiy ma’lumotlarga ko‘ra, tabiiy ofat natijasida 800 dan ortiq kishi halok bo‘lgan, 2800 dan ziyod odam turli jarohatlar olgan.

Ayrim qishloqlarda uylar vayron bo‘lgan, yo‘llar ko‘chkilar sababli yopilgan. Aloqa liniyalari uzilganligi sababli ma’lumot olish imkoniyati cheklangan.

Tog‘li hududlarda qutqaruv va ta’minot ishlari murakkab sharoitlarda davom etmoqda. Hukumat va xalqaro tashkilotlar aholini evakuatsiya qilish, sog‘liqni saqlash xizmatlarini taqdim etish hamda oziq-ovqat bilan ta’minlash bo‘yicha favqulodda choralar ko‘rmoqda.

Bu yordamlar aholi hayotini saqlab qolish va tabiiy ofat oqibatlarini kamaytirishga qaratilgan.