Amerika brendlariga qiziqish dunyoda kamaymoqda
Jahon iste’molchilari orasida Amerika brendlariga bo‘lgan qiziqish kamaymoqda. Bu haqida Zamin.uz xabar berdi.
McDonald’s kompaniyasining bosh ijrochi direktori Kris Kempchinski CNBC telekanaliga bergan intervyusida shuni ta’kidladi. Uning so‘zlariga ko‘ra, bu holatning asosiy sababi dunyo bo‘ylab Qo‘shma Shtatlar haqidagi ijobiy tasavvurning zaiflashishi bilan bog‘liqdir.
Kempchinski aytishicha, kompaniya to‘rt marta global so‘rovnoma o‘tkazgan. So‘rovnomada ishtirokchilarga “Amerikani davlat sifatida qanday baholaysiz?
Amerika brendlariga munosabatingiz qanday? McDonald’s haqida fikringiz qanday?” degan savollar berilgan.
Natijalarga ko‘ra, Amerika haqida ijobiy fikrlarning biroz kamaygani aniqlandi. Shunga qaramay, Kempchinski ta’kidlashicha, ushbu o‘zgarish McDonald’s brendiga salbiy ta’sir ko‘rsatmagan.
Bu ma’lumot kompaniyaning brendga bo‘lgan ishonchni saqlab qolayotganini ko‘rsatadi. Umuman olganda, dunyo bo‘ylab Amerika brendlari nisbatan qiziqishda ozgina pasayish kuzatilmoqda, biroq McDonald’s kompaniyasi bu jarayondan katta zarar ko‘rmagan.
